یقهات{یابشر}حاتم خلیل العبادی

انته   اشرف  بالخلایق   یابشر


اوطیٌبه تلگا البعض منهه یابشر


في  امورک  الله  گایل  یابشر


اهلک او تلگا ابدنیتک کالنجات

**********
الشاعر حاتم خلیل العبادی

ابوذیه{عنای}حاتم خلیل العبادی

تهل  من دم  علیک اعوام عنای


غریب  ادیار گاصد  والک عنای


شفتک ویه غیری ابعکس عنای


مسیرک غیریته اوخنت بیه

***********
الشاعر حاتم خلیل العبادی

هوسه{عیسی بن مریم}حاتم خلیل العبادی

هوسه لیمیلاد رسول الاکرم ص
********

عیسی بن مریم بشاره انطا للعالم حچه

احمداً یرسلُ ربی عالصلیب اهوه انتچه

الیوم میلاد نبوه ابشوق هل دمعه اوبچه

مهدینه ابفرحه المیلاده

*******
الشاعر حاتم خلیل العبادی

ابوذیه{من الدم}حاتم خلیل العبادی

لشهادة الامام حسن العسکری ع
********

یهل  جفنی لبو محمد من الدم


الحکم یا معتمد المن  من الدم


لعین  ابفعلتک  ماظن من الدم


ابسعیر الله تملک ملوکیه

******
الشاعر حاتم خلیل العبادی

موال ازهیری{والقمر}حاتم خلیل العبادی

اموال ازهیری لقائم آل محمد ص

*******
ابعین المحبه انظرت لجل السمه والقمر

وانطر الجیه اصبحت یمته الفجر والقمر

ماضگت حالی الدهر من ضگته إنه والقمر

جیت ولینه عسل حنضلنه هم بیحله

او یمته یجی المنتظر صوت الندب بیحله

غیره اهوه کل الظلم ماکو شخص بیحله

وابطلعته هالأرض تطهر البیهه  قمر

********
الشاعر حاتم خلیل العبادی

ابوذیه{وصیت}حاتم خلیل العبادی

خیر  امن   الأمور  انگال   وصیت


 وأنه احبابی ابطریق العدل وصیت


 ما  فاد  الّی   طایر   ابد   وصیت


 یرشگک  بالأرض  ویرید  حیه

  *******

الشاعرحاتم خلیل العبادی

ابوذیه [علراح}حاتم خلیل العبادی

اهل   دمع   الجفون  الیوم  علراح 

والوچ  المر  یصاحب غصب علراح

صفگت  الر‌‌اح  من  الظیم علراح

ابکثر جزن الّی مر اسنین بیه

********
الشاعر حاتم خلیل العبادی

قصیده لطمیه للزهراء س ( شیلة امي امن الحیا) حاتم خلیل العبادی

قصیده لطمیه للسیده فاطمه الزهراء {س}

 

**/***/*

شیلت اُمی امن الحیا  ** اِتلوذ گامت بالعبا

شوف امی اشگد شریفه ** شیلت امی اشگد عفیفه

اُمی اول رافضیه  *** الرفضت اصحاب السقیفه

***/***

فوگ شال ایده او یطگ خد فاطمه

اي کسر منهه الظلع سال الدمه

من سگط محسن شبل حامی الحمه

اسودت الدنیه اوسمانه مُظلمه

اموجرا النار ابلهیب**تحرگ اباب الحبیب

وین طاها اتناد ابا ***شیلت اُمی امن الحیا 

***/***

مانخت حیدر علی طبق الوصیه

الوصه بیهه المصطفی بنته الزچیه

حته لایهجم بعلهه اعله الردیه

والله لو تنخا ینزلهه الثریه

کلمن الینخا یعین**لو ابد ماعنده دین

یحضرا ابکل البلا** شیلت اُمی امن الحیا 

**/*/***

ماخجلت ابفعلت من تعصر الباب

اتهشم اضلوع الودیعه بنت الاطیاب

انته بس امن النسا ماشفتک اتهاب

ریت بسمار اللي طگها ابگلبک انصاب

وابجهنم تنصلی **یلی ناکر للولی

ماقبلت اهل الکسا*** شیلت اُمی امن الحیا 

**/***

یلی تابعت الجهل واطمعت لجآه

راح اجر ونه اعله فاطم والطم إبــآه

مایلاگی الجنه بس النار ملگآه

تحترگ  کل   التحبه   ولّی  ویآه

یلی گایل هو هجر**یظرهر النه المنتظر

یاخذ ابثار المضا*** شیلت اُمی امن الحیا 

*/*/***

الشاعر حاتم خلیل العبادی

قصیده لطمیه لجسّام{ نار گلبی اموجرا} حاتم خلیل العبادی

گوم انهض بعد عینی نار گلبی اموجرا

 آنه امک یاولیدی اشلون تقبل حایرا

***/***

ابنی طایح علوطیه اشلون وذرته السیوف

ریت لا انظر الحاله او ریت لا عینی تشوف

نایم اعله الغبرا جاسم بالدمه امحنه الچفوف

بعد ماکمل شبابه بدر صاطع ناظرا

******/*/*

گوم انهض یاولیدی آنه امک بالدرب

صوت منک ما یجینی بین اجناب او غرب

بس صهیل الخیل یصهل والسیوف البلحرب

ظنی اشوف احذالک اهما الخیل جسمک حافرا

******//**

الخیل سحگت جسمک او راسک الصارم هشمه

ریت ابدا ما اشوفک ربی بالینی ابعمه

همل دمعی من جفونی علوجن سال ابدمه

هاذه مو مطلوب یبنی اتنام عالقبرا ترا

****/***/*

یابدر آنه الاجیتک حرت مامنک اثر

احس مظلمه الدنیه غاب نورک یاگمر

گوم شوف اشصار بیه یاولد محنی الظهر

باحثه ابین الاعادی والجثث فوگ الثرا

***/*//***

باحثه او ماشفت وجهک رایح انته ابیا کتر

آنه من ضیم العلیه ابفگدتک جانی العسر

گلت من ردیت یبنی راح اطشلک شذر

لاچن الهلیوم یبنی گاعده او متنطرا

***/*/*/***

الشاعر حاتم خلیل العبادی

ومضه {الضرس نوبات}حاتم خلیل العبادی

ومضه 

الضرس نوبات صدگ هم یخون

لو  یزید  الحله   ایعض   السانه

والصداقه   ابهل  زمان   امبینه

با لخیانه      والغدر       تلفانه

 

یجل القاری

********

الشاعر حاتم خلیل العبادی