قصید لطمیه
#####
صاحت النه اسکینه
عمی جودک وینه
نار تلهب بالحرم
والعطش یاذینه
#####
ناده یا عمی علیه ادللي
راح اجیب المای بس لحظه امهلي
یجي ایبوس اجدامچ ابحیدر علي
ابجود الچ محبوس واتشوفینه
#######
رکب خیل او ناده جیتلکم یقوم
راید آنه المای لو وسط النجوم
راح اطب بالعسکر افترکم وحوم
منهو یگدر خاطر ایلاوینه
########
صاح کثر من صفوفک یالعین
آنه بن لیث العرب باب الامین
من فعلکم عفته مارته العرین
استعدو للحرب هل جینه
#######
اله اگط ارگابکم شبه النعاج
اله یوله العب وسویهه عجاج
وآخذ ابچف الفرات اعله الجاج
یاهو ضرغامک دوزه اعلینه
######
وینه ضرغامک دوزه اوخل نشوف
یجی بلمیدان لو یشرد یعوف
راح اگطعهن علیه ذنی الچفوف
یشهد الخالقنی ربی ایعینه
#######
ایعینه من خزرات مو طگ السیوف
صیحت العباس من بین الصفوف
یرتجف منهه لون ینعد بِلوف
ناده لایدنانه شي لاگینه
#######
الشاعر حاتم خلیل العبادی
