الله اویاک یمسافر یالعایفنی وامهاجر
ملیانه ابهم کلي اجروح متإلمه ابکسر الخاطر
مکسوره الخاطر تدرینی وافراگک والله امأذینی
عباس انته بلایه ازنود وحسین ایدوسه الحافر
،،،،،،،
فوگ التل انظر لحسین مگطوع الخنصر مذبوح
والخیل اعله اضلوعه اتدوس ومهشم جسمه المطروح
موءلم فرگاکم یاخوی ظل ویای الهم والنوح
سوط العاذل یاعباس یضرب بمتونی ویلوح
یخوانی ابهم عفتونی واعلیکم عمیه اعیونی
عونک یالمطبور الهام عونک یالدومک حاظر
عباس انته ابلایه ازنود وحسین ایدوسه الحافر
،،،،،،،
وآنه ادریک انته الوفای سهم او ضیفته ابعینک
مطبور الهام او مفضوخ راسک وامگطع ایدینک
کل جهدک تروی الاطفال والمای ابشان احسینک
لاچن طایح علتربان والعدوان امحوطینک
یاشیمت اهلی اوگومی یاریت ابیوک یومی
میته اولاشوفک مطروح عینک لخیمنه اتناظر
عباس انته بلایه ازنود وحسین ایدوسه الحافر
،،،،،
خلی الجربه او انهض گوم شیفید المای ابدونک
حنیتک ردناها ارجوک تسگینه ابدمع اعیونک
ماردنه انشوفک مطروح ابخیل اعدانه ایدوسونک
یاظهر حسین المکسور معتازه الیوم العونک
شفید اعتابی اوشکوای ارجع ماردنه احنه المای
نتگید بید الظلام نمشیی ابدونک وانقادر
عباس انته ابلای ازنود وحسین ایدوسه الحافر
،،،،،،،،
لاناصر عدنه او لامعین زینب حشّمت الاصحاب
بلکت لنصار اتلبي لاکنهم نومه اعله اتراب
تنهض لجساد او تهوه یا حیف اموذره الاطیاب
یاوسفه اشلون الظلام یسبونه انعوف الاحباب
یا عباس اتنادی ام عون مشتومه او مضروبه اشلون
رکبونه الهزّل یا خوي والروس اویانه اتناطر
عباس انته ابلای ازنود وحسین ایدوسه الحافر
الشاعرحاتم خلیل العبادی
تمت بعون الله ۲محرم ۱۴۴۳
سنة ۱۴۰۰
