الـخصم لوگدر ابسهـمه ملحلاک
لأن سد واگف الضایگ ملحلاک
خـلـه الـیـلـح والـرایـد .ملحلاک
لگه ابصفک زلم بیهم حمیه
الشاعر حاتم خلیل العبادی
الـخصم لوگدر ابسهـمه ملحلاک
لأن سد واگف الضایگ ملحلاک
خـلـه الـیـلـح والـرایـد .ملحلاک
لگه ابصفک زلم بیهم حمیه
الشاعر حاتم خلیل العبادی
یـجـی خـطار نـوبه الفرح یاریت
الـیـه او أنـسـه کـل آهـات یاریت
اشردت من الحزن وانوب یاریت
المصایب والمحن بلوه اوهبیه
الشاعر حاتم خلیل العبادی
آه یا زینب آه
ابـفـرح دنـیاها لحظه مایتلهه
اوچم خل عله الرمله مایتلهه
الگصد جـایب ابـیـده مایتلهه
بعد عینه ارحلت زینب سبیه
الشاعر حاتم خلیل العبادی
ابوذیه بحق الحسین ع
یفـيّ اعله المـخیم هدب الحسین
هجم لحسین طالع هدب الحسین
اهتز الـکون لاچـن هدب الحسین
ثلث مرات طگ اعله الوطیه
الشاعر حاتم خلیل العبادی
لصاحب العصری والزمان عج
وحق حیدر وفاطم بانبینه
الـحـزن اثـر علـینه بانبینه
الدهر والظلم معبر بانبینه
ابفگدک یامَرد سُنت نبیه
الشاعرحاتم خلیل العبادی
خطاب قمر العشیره لسیده زینب علیهم السلام
لـتـحـتـاریـن زیـنـب جابلیهم
الـحـرم. والـمـای عنـدی جابلیهم
الوگف سد لیه حتما جابلیهم
واذکرهم ابـحـیـدر یـا ابـیـه
الشاعر حاتم خلیل العبادی
قال الامام علی ابن ابی طالب علیه السلام
الناسِ نیامٌ فإذا ماتوا انتبهوا
نـایـم مـتـت وابلحدی وعونی
الـوی الـکثـرت اذنـوبی وعونی
السندنی مامش اویایه وعونی
اسف مامش عمل تحت الوطیه
الشاعر حاتم خلیل العبادی
لصاحب الزمان عج
اسمه اعله الـنـبـی المخـتار. والدال
اعله حچی. میم حاء اومیم والدال
مـعزته ابـطـن گلـبـی اسنین. والدال
الرضعته ابحبهُـم امـن الطـفـولـیـه
الشاعر حاتم خلیل العبادی
لسان السیده العلیله بنت الحسین ع
گوطر ظـعـن اهلی واسرابیهُم
گلت یرجع وافاخر واسرابیهُم
اسف رجعوا یتامه واسرابیهُم
او عله الغبره ذبیح الغاضریه
الشاعر حاتم خلیل العبادی
لصاحب العصری والزمان ع
مـتـی الظالم تجیله تـصـل موتاه
اوترجّع حرب بدر او حرب موتاه
دلـحـگ عالخلـگ یـهـدیـب موتاه
عـگـلـهـم. واکـفـروا بـالله او نبیه
الشاعر حاتم خلیل العبادی