قصیده لطمیه {مجروح گلبی} حاتم خلیل العبادی
قصیده لطمیه عن لسان زوار الامام الحسین ع
٫٫٫٫٫٫٫٫٫٫٫٫٫٫٫٫٫٫٫٫٫٫٫
مجروح گلبی والألم ماذینی
مشای اروحن وعتنی لحسینی
*****
ماکو صبر علوجنه بس دمعی یسیل
وآنه انتظر یمته یجی وکت الرحیل
وآنه اعجزت من البچی اوکثر العویل
جاوبنی یا راعی الکرم لو بلقلیل
جاوبنی مولای ابکرم
وقعلی ایيي للحرم
روحی فداک یا شهید الدینی
*******
اعطف علیه یاگمر راعی الحمیه والجود
یلهادی هامه والنظر لجل الدیانه وازنود
اطلب بحق هذه الامام الهاشمی الموعود
وقعلی سجل یا کفّیل الزینب او یامحمود
مشتاق ازورن هلسنه
روحی علیکم حازنه
سجلنی خادم یا ضیاء العینی
******
مشتاق اطب صحن الشریف المظلوم
واشکیله کل دایی العندی واهموم
اهوه طبیب العللی الکل مصدوم
عباس امامی وآنه انادی معصوم
معصوم انادیله امام
لاچن بعد خیر الانام
من نار ربی یشفع او یحمینی
*******
دلالی شایل بی حچی او کثر اعتاب
هم تقضی من حاجاتی یبن الاطیاب
رایح اجی او اوگف الک خلف الباب
ماراح اطب صحنک لمن بیدی اجواب
تنطینی امرادی او ارد
یالعطرک اتفوحا الورد
ما ارجع ابهمی ترا امسلینی
********
تمت بعون الله
بقلم خادم خدمة الحجه عج الشاعر حاتم خلیل العبادی
