قصیده رباعیه{غزل}حاتم خلیل العبادی
قصیده رباعیه غزل
لشاعر حاتم خلیل العبادی
********
آخ بویه امن التعب فکونی
شاب شعری ودریتو اعیونی
******
گصدت احدیثه واشوفنهه ابجمال
هزت الخصران چن هزت جبال
الله واکبر یا اللهی اعله الدلال
داخ راسی او خردلولی امتونی
******
داخ راسی اتخردلن ذنی لمتون
اعیون بزونه ولک ماهن عیون
یشهد الله والعگل طگ بی جنون
وین بیته یا خلگ دلونی
******
شاب شعری امن التعب رب الجلیل
صارلی اسنین آنه بالهم چن علیل
شوفه راید منه بس فرحت دلیل
غیر هاذی ماردت صدگونی
******
غیر هاذی صدگو ابدن ماردت
وآنه من زغری ابعشگهه اتعذبت
یشهد الله او ابد لا ماچذبت
آنه حبیته فلا اتغیرونی
******
آنه حبیته او دخت من مر هوا
هوه لگلیبی فلا غیره دوا
الورد شایف ابلا مای ارتوا
هاذه مایی او منه لتحرمونی
******
منه لتحرمونی یاجن یابشر
یکفی صار اسنین عایش بالقهر
توه فرجهه لمعسرها الدهر
لیش یا عالم لما اتحسدونی
******
لیش یا عالم علیمن هالحسد
امناشبینی او بیکم امبین الحقد
یالله کف عنی یلایم وابتعد
انته واشمات شطلبونی
******
انته والشمات لیش الیاوکت
وانته یوم افتنت گلی اشحوشت
انته سالب روح چن قتل اقتلت
یاجرح منهن او شتداوونی
*******
آنه لاعاشگ ولا ابد اعشگت
های شی الی سمعت آنه اکتبت
گالو العشگ هیچی وارتبت
هالچلم بالشعر واتعذرونی
******
الشاعر حاتم خلیل العبادی
