قصیده لطمیه{زینب غریبه}حاتم خلیل العبادی
زینب غریبه او تنتظر محد یجیهه
یم النهر طاح الکفل مارد علیهه
.............
زینب هوّت عل گاع ندبت ابوها
نادت او صاحت یاهلی ماجاوبوها
وین الکفلهه ابکربله عباس اخوها
شولاخبر منهم اجه او لاهُم اجوها
منتظره وتنادی الاهل
چاوینه عباس الکفل
بلحسره یاناس اندبت نادت ولیهه
زینب غریبه او تنتظر محد یجیهه
..................
هیه غریبه او حایره بین الاعادی
ماعدهه کافل یاخلگ ماعدهه حادی
تلطم تصیح اعله الگمر بسمه تنادی
عباس وینک یا اخو ذایب فؤادی
وینک یعباس النفل
احنه بعدعینک نِذل
بت فاطم آنه یا گمر اُمه ابیهه
زینب غریبه او تنتظر محد یجیهه
....................
آنه الاعرفک یاشهم بلحگ تطالب
مو انته کافل چنت او انته المحارب
اشلون تقبل غیرتک وی الاجانب
تمشی یسیره هل اخت بین الغرایب
وتبات هیه بالشام
بین الاعادی الظلام
هآذی زینب بت علی چاوین اخیهه
زینب غریبه او تنتظر محد یجیهه
.................
یاراعلی الجود الگمر افزع لی اختک
انته الگلت آنه الکفیل او وینه وعدک
من الزغر کافل چنت ونته بی مهدک
چا گوم انهض یاگمر میفید صنتک
میفید کل هذه الصبر
گوم هاجم ونتصر
انته کافل یاگمر وانته حامیهه
زینب غریبه اوتنتظر محد یجیهه
................
الشاعر حاتم خلیل العبادی
