قصیده لطمیه{آنه العلیله ابلاولی}حاتم خلیل العبادی
آنه العلیله ابلا ولی
اندب وصیحن یاعلی
احضرنی یا مولای 2
..................
آنه البقیت ابیثرب او ماعندی والی
رب البریه شاهدو یعلم ابحالی
واتذکر اهلی اوعزوتی وعزی اودلالی
یابویه ارجع شوفنی اوشوف الجرالی
وآنه انتظرکم عالممر
منکم یجینی فد خبر
خوفی بعدکم انولی
اندب وصیحن یاعلی
......................
آنی بتکم یا هلی ظلیت انادی
ماعندی مهجه من المرض ذایب فؤادی
ما ادری یهلی وینکم بیکم اشسادی
عفتونی وحدی بلغرب انتم امجادی
ماضل بعد عندی صبر
کون آنه مدفونه ابگبر
مآکو طارش من هلی
اندب وصیحن یاعلی
................ ................
آنه الوحیده ابهل بلد خلونی
اب وحده وب غربه ترا ترکونی
آنه العلیله فاطمه تدرونی
غابوا هلی لاحضرو ایواسونی
الطم عله الخدی گمت
یحسینی یابویه صحت
رآآآحن اعیونی الی
اندب وصیحن یاعلی
.....................
یا عمه یا زینب دسمعی او شوفی
وحشتی من ظلمت غربتی اوخوفی
کثّرِ البچی ماشوف صدگونی بطروفی
بالرجعه آنه بلممر یاعمه هم طوفی
انتی التشوفین الدمع
علوجنه یجری منفجع
یا عینی انتی هملی
اندب وصیحن یاعلی
...................
الشاعر حاتم خلیل العبادی
