هوسه {من کثر البواچی}حاتم خلیل العبادی

من کثر البواچی اعلیک اهداب الجفن  طاحن


او صار اجروف بالوجنات من ملح الدمع صارن


علیک انته الهجرت اسنین طیور السعد ماطارن


 (چن مثلی ابهم ماتن لوعه)

**********
الشاعر حاتم خلیل العبادی

ابوذیه{ونحیل}حاتم خلیل العبادی

یگلی الحیل بیک الیوم  ونحیل


قهر وهموم ویه التعب ونحیل


یباسم من ونینک  علیّ ونحیل


او طیب کل جرح ملچوم بیه

*********
الشاعر حاتم خلیل العبادی

دارمیات{ فی حق الزهراء س} حاتم خلیل العبادی

دارمیات فی حق سیدة نساء العالمین فاطمة الزهراء س

الشاعر حاتم خلیل العبادی
************

کل السده اعله البیت فاعل عمرهُم
هوه  الّي  بخبخ  گال  آنه  الأذله‍ُم

اشما تگول اتگول متذلنه  هیهات
بالجنه شوف اهناک قلّت مسافات

کلمن  یحب  الحید فاز ابمصیره
والّي بغض یاناس تلهب سعیره

*************
الشاعر حاتم خلیل العبادی

ابوذیات {وانعبلهُم}{واجرا}حاتم خلیل العبادی

ابوذیات فی حق سیدة نساء العالمین فاطمة الزهراء س

الشاعر حاتم خلیل العبادی
************
ظلع منصاب عده‍‍ُم وانعبلهُم

تسیل ادموع جفنی وانعبلهُم

یحرفون  النواصب  وانعبلهُم

قشامه او مانفسرها القضیه


نفسر نداری شنهو الصار واجرا

اویاهو الدمع فاطمه سال واجرا

عله خدهه السطر والعلگ واجرا

نار اباب بنت خیر البریه

**********
الشاعر حاتم خلیل العبادی

ابوذیه {وانعاب}حاتم خلیل العبادی

ابوذیه بحق سیدة نساء العالمین فاطمه الزهرا س
*******

متئلمه وصیح  ابحزن  وانعاب


ظلع منصاب بالبسمار وانعاب


إنه  اتنخیت  بالمختار وانعاب


عیب اعله الذی خان الوصیه

*********
الشاعر حاتم خلیل العبادی

ومضه{موکلمن یسلم }حاتم خلیل العبادی

مو کلمن یسلم یطلب الحاجات
ولا کلمن یخابر راید افلوس

صحیح اهیه الأنامل مو فردشی
بس الحمد لله الجیب متروس

********
الشاعر حاتم خلیل العبادی

هوسه {اتمیز ابعگلک یصاحب}حاتم خلیل العبادی

اتمیز ابعگلک یصاحب لایشیلک هالغرور

انته طیب وابن طیب لا یسمونک شرور

های دنیانه یسامع تفتر ابضدنه او تدور

{موتخفگ ریلک بالطینه}

********
الشاعر حاتم خلیل العبادی