ومضه{العین اشتکت}حاتم خلیل العبادی

العین اشتکت للگلب المن عشگت او هجر

مابیه اهمل بعد وادموعی راحن هدر

گللهه آنه انظرت لو منچ انتی النظر

خلیتی بیه الوجع والهم بعد والقهر

********

الشاعر حاتم خلیل العبادی

ابوذیه{شنصار}حاتم خلیل العبادی

ان المومنین اخوا

الهوه چابن اتراب انگلب شنصار

او لتظن مانشوف الجرا   شنصار

ذوله  انصار  یاهو  الگال  شنصار

المهدی مایرید الباگ اخیه

**********

الشاعر حاتم خلیل العبادی

ابوذیه{سهلین}حاتم خلیل العبادی

الف مرحب او  اهلا   بیک سهلین


المصاعب من اجیت الیوم سهلین


عمی انتم اسباع او موش سهلین


الکلایف تشهد الهای القضیه

*********
الشاعر حاتم خلیل العبادی

ابوذیه{ماشیعنه}حاتم خلیل العبادی

بچیت او شعر راسی ماشیعنه


عله   الهاجر    دلیلی ماشیعنه


هیه     النار    بینه   ماشیعنه


اذا ینصب یفور المای بیه

*********
الشاعر حاتم خلیل العبادی

هوسات تسلسل {للامام الحسن ع}حاتم خلیل العبادی

هوسات تسلسل فی حق صاحب الکرامات الامام حسن المجتبی ع

*********

حاتم بالکرم معروف گالو والحچو کثرا

هم شفتو الکرم فدیوم من الکرم لو ذرا

حگها کل عباد الله بس بالحچی مبتشرا

{لو تطلب ماتلگه الحاجه}

حاجه ما تلگاها ابداً لن فلا یگدر یجیب

او راح اگلک إنه ابواحد لا ابد ماله رغیب

الحسن اقصد ابذالک سخی اوهم اکبر طبیب

{لو تحچی ابعلتک گاظیهه}

یگظیها الک علتک لطیب ابشرط مولشر

واذا منگظت گلبک شوف اظن بالنیه یتغیر

ابیغین انویها نیاتک دربک جده ماتعثر

{متمسک خلیک ابآله}

*********

الشاعر حاتم خلیل العبادی

ابوذیه{بهادام}حاتم خلیل العبادی

نزلت دمعتی ابفگدک بهادام

وارکان‌  الهُدا  بعدک  بهادام

الغدر من طبرتک بده بهادام

الدنیه والخیانه اعله البریه

********

الشاعر حاتم خلیل العبادی

ابوذیه {والطفال}حاتم خلیل العبادی

عقل املک  فلا  اجهل  والطفال

مُنیر او ضاویه ادروبی والطفال

ضيي او سخی بعمالی والطفال

محمد یشع واهوه النور بیه

*********

الشاعرحاتم خلیل العبادی

ابوذیه {حسن بی}حاتم خلیل العبادی

طهرا امن الدنس واسرع حسن بی

اذا   تعلم  سخی ‌  چفک  حسن بی

دور    بالکرم     وابحث  حسن بی

تلگا او منه بچفوف البریه

**********

الشاعرحاتم خلیل العبادی

قصیده لطمیه {اسم الله یا محسنی}حاتم خلیل العبادی

قصیده لطمیه فی رثاء فاطمة الزهراء ع

*************

اسم الله یامحسنی     \*\     لاتفز نومک هنی

خافن تشوف الظلع    \*\    تنفجع لن منحنی

***************

لا لا ییمه دلللو لتفز حبیبی او تشوف 

هسه اهیه فضا تجینی واتشیلک اعلی الچفوف

نام ابحضن مو من الدم یامحسنی یارئوف

حت لا تشوف الاراجس تلمع علینه السیوف

شیلی الولد آیه فضا زینب بچت بیهه خوف

قسلی الولد گمطی       \*\        مثل الچفن طلبتی

لن ظلعا مثلی ابصدع    \*\      خافن تشوف الظلع

***************

بطلی ابونینچ نیاحچ انتی الّي معدن صبر

لایشتمون الاعادی منهُم عصرلی الصدر

وانتی ابشبابچ یزینب رایح یجیچ الکبر

من المئاسی الالیمه تکمل ابقطع النحر

والکفل مارد لخیته گطعو اچفوفا ابغدر

یوم الخمیس ابتده      \*\         هان النبی واعتده

ابنی انقتل للنفع       \*\           خافن تشوف الظلع

*****************

یاطاها شوف اشسدالی لصحاب خدی اسطروا

عصرو الباب ابقساوه والظلع هالرض رضوا

شحچی شگول ابفعلهُم حته الطفل سقطوا

والاعظم ابهل مسائل حیدر امگید خذوا

امچتف ابهل والصیه والحید ماچتفوا

یشهد الله الاحد          \*\       مرضا علیهُم ابد

ماینالون الشفع          \*\       خافن تشوف الظلع

*****************

هسه ادعی من کل دلیلی واهلک الامه ابتمام

ذوله الّي خانو نبیهُم ماعاملوا بإحترام

آنه الّي بضعت محمد بنت طاها خیر الانام

هجمو علیه ابزمرهُم جهلاً لأخذ المقام

والٌي شهیده ابمثالي عند الله اکبر وسام

آنه الشهیده ابغدر     \*\          قتلاً بایدی الکفر

عصرو الباب ابدفع    \*\         خافن تشوف الظلع

************

تمت بعون الله 

خادم خدامة الحجه عج   الشاعر حاتم خلیل العبادی

قصیده عمودیه{فی حق زینب ع}حاتم خلیل العبادی

قصیده فی حق فخر المخدرات

***********

انتی یا کعبت صبر یخت الحسین 

والصب یلجء الچ راد الصبر

انتی علمتی البشر توگف شموخ

مایهزهه الریح وآلام العمر

من صمودچ ثبت التاریخ اوگال

های زینب علمصارع من تمر

مرت او مانزلت قطرت دموع

حته لا ینظر دمع زینب شمر

شوف هاذه الشئن عند رب الجلیل

اتگول ما انظر جمیل ابهل امر

 شنهی انتی ابهل وصف عند الکریم

هیچ تهدین الحسین اعله النحر

انتی شئنچ عالی ابحد العرش

او بیچ تکمال القیام المنتصر

والله لو ما شخصچ ابمجلس یزید

چان نهضتکم ترا راحت هدر

***********

الشاعر حاتم خلیل العبادی