مساجله شعریه {وانه باها} {انته باها}
********
اجـر الحـسره گـوا ونـه باها
ابدلیلي اسنین نامت وانه باها
اخوها انه المصایب وانـه باها
اوعاشرت الحزن والهم سویـہ
(الحصره)
******
الشاعر مڪی ابوارکان الخزرجی
👆👆
جواب
👇👇
الفرح ما یوم لفلي انته باها
اوعله شنهو انتفاخر انته باها
صح کل المصایب انته باها
إنه جد المصایب والبلیه
******
الشاعر حاتم خلیل العبادی
******
تمت بعون الله
******
نحب او نفتخر یحسین خدّام
الک والخدمه بالشریان خدّام
ارید ابلطم خدي ایصیر خدّام
عله ذان الّي دم سالت بإذیه
********
الشاعر حاتم خلیل العبادی
و حقک یا علی الکرار یعلي
صوتی وبس نداه اعلیک یعلي
الروح الشوفتک کالعطش یعلي
ما تشبع، یحمای الحمیه
******
الشاعر حاتم خلیل العبادی
المثل ایگول
الفلگا اطیب لاچن تبقا لحچایه
البیت عکس المثال
إنه ابفلاگاتی گمت ادهن بعدهان
او گلت میبینن لاچن بعدهان
الحچی ما ینسی گالو بعدهان
نسیته او بس أثر فلگات بیه
******
الشاعر حاتم خلیل العبادی
النخل ماتوصله امیّه ملحماک
یفلاح او قصب دهرک ملحماک
علیمن هیچ متذوبل ملحماک
اظن جسمک کنخلاتک باذیه
*******
الشاعر حاتم خلیل العبادی
عید الغدیر وعید الضحیٰ مبارک علیکم
********
وحق من درس القرآن وضحیٰ
وحق من راد لبنه الذبح وضحیٰ
ابغدیر الله یصبح ونس وضحیٰ
ابتتویج الامامه اعله البریه
*******
الشاعر حاتم خلیل العبادی
امدلیه اعثوگها امن الخیر برحای
او طعم لذت رطبها ایدور برحای
بر میّت حیّه امن المای برحای
مات امن الملح میفید میه
******
الشاعر حاتم خلیل العبادی
یدنیه امن الألم یاهو عفیتی
ابحزنه او للأبد باقی عفیتی
خلصت عل أحبنهم عفیتی
او مهجه ماحصل وسرور بیه
********
الشاعر حاتم خلیل العبادی
عزیز او چه صبح گلبی یریداک
انصحک چف نذل لتکض یریداک
اذا للعوز تگصدله یریداک
واظن تنصاب منه ابلا وعیه
*******
الشاعر حاتم خلیل العبادی
قصیده عمودیه {آنه احبن}
********
آنه احبن من یگول الحب عذاب
الحب لون ماله اذه مابی جمال
گحط صار المای من بعد الحنین
اسنین عمیات الجفون ابهل خصال
لازم الشوگ الیبین هیچ ایصیر
بالجسد والروح میعوفا محال
مثل یعقوب اعله یوسف بلمجیء
تنفتح عین او تصب دنیه ابزلال
الیحب مجنون مایدری اشیصر
لوحضّن محبوب ماعنده مجال
یخرج امن الدنیه وابعالم الحب
یدخل اویقرا عله الدنیه الرحال
او های گطرا من بحر ود الیود
المثلی حایر بالوصف والهسه ضال
او های اکبر حب عله العالم جمیع
المایحب الحید نذل ابن النذال
*******
الشاعر حاتم خلیل العبادی
