هوسه{گبل چنه اهوای فقرا}حاتم خلیل العبادی

گبل چنه اهوای فقرا او ابد ماعدنه دغش

ابد ماچان التجمُّل لَبن تمرات او رهش

هسه کلمن زیناله امضیف زولیه او فرش

یتکبر گام اعله اخوانه

{یجل القاری والسامع}

***********

الشاعر حاتم خلیل العبادی

هوسه{افترت الگاع ابزلمهه}حاتم خلیل العبادی

افترت  الگاع  ابزلمهه  شافت العباس طب

دخن ابساعت الهده امن الغضب صدگني گب

الشرد  حوشله  مخرج  والبقا ناله الشطب

او یحصدهُم گام ابهداته

**********

الشاعر حاتم خلیل العبادی

هوسه{من سل صارمه العباس}حاتم خلیل العبادی

من سل صارمه العباس او هد ابهدت العباس

خله الزلم مختلسه او ابد ماتجر بالإنفاس

یشهد نهروان الیوم جر الخطه بونوماس

او لازلمه البیهُم یدناها

********

الشاعر حاتم خلیل العبادی

هوسه{بالحومه جر الخطه}حاتم خلیل العبادی

بالحومه جر الخطه بیده صاح ابو الغیره الشهم

وینکم  یالحاسبین  ارواحکم  من الزلم

هسه لبسکم الشیله اوکلهه تبقا ابلا اسم

وآنه العباس اتشهدولي

********

الشاعر حاتم خلیل العبادی

هوسه{شهر صمصامه}حاتم خلیل العبادی

شهر صمصامه ابیمینه ناوي یفني هالطغات

من هجم صوب المعسکر مابقو یم الفرات

زلم ماتوگف احذاله والمعارک شاهدات

خطت عباس الیراها

*********

الشاعر حاتم خلیل العبادی

هوسه{باچر یظهر}حاتم خلیل العبادی

باچر یظهر الموعود او گالو هم یسل سیفه

او یاخذ ثار ابو الحملات او یعلم هالخصم حیفه

ابسیف الذولفقار او شوف یبشط روس وبکیفه

روس التنکر حیدر وآلي

********

الشاعر حاتم خلیل العبادی

هوسه{هد عالمشرعه}حاتم خلیل العبادی

هد عالمشرعه الصندید شاهر صارمه البتار

کفو نعمین ابو الحملات یشبه حیدر الکرار

مثل افعال ابوه الحید خله الجیش بي محتار

من هد والعسکر مایدنا

*********

الشاعر حاتم خلیل العبادی

قصیده{آنه ماسبن احد}حاتم خلیل العبادی

عنوان   القصیده 

 {«آنه ماسبن احد»}

*********

آنه ما سبن احد حته الصنم

والّعن جایز او ربی امحلله

العن الّي گال طاها إنه هجر

کسر ظلع الزهرا بیده او علله

یمته ثبت دین یا ارکان گول

هذه حچیک موصحیح امقلله

روح اقرا او شوف تاریخ الصحیح

یاهو ثبت هل الاسلام او عدله

غیر حیدر ابد ماکو ای شخص

راعي العزه او شهامه او مرجله

اتگول واگف بالحروب او یاحروب

کون ک الأروه ابجبال اتمثله

اي نعم هذه الوگف کل الحروب

او ذلفقار  الباري جابه انطا اله

یلّي تبغض حیدرا بعل البتول

توب واستغفر الباري او جلله

اترید احچیلک وگلک شنهو صار

احسین اگلک وانته تعرف کربله

***********

الشاعر حاتم خلیل العبادی

قصیده وابوذیه{بالکاروک فاطم}حاتم خلیل العبادی

قصیده و ابوذیه

،،،،،،،،،

عنوان   القصیده 

{بلکاروک فاطم خلت العباس}

بالکاروک  فاطم  خلت العباس

بگماطه ایتگمط والذراء ایحل

یصدر نور منه النور ضل محتار

یکثر نوره نور الشمس چنه ایغل

اذا صار الظلام البدر نوره امنین

نوره امن الگمر والبدر لیه ایجل

یاعباس عالي الشان اسمک دوم

او للإطفال شخصک یهبط او ینزل

مو ثوبه التکبر لاعبوس الشوف

اذا ینخاه واحد یگصد او یکفل

هذه ابن الصمیده حیدرا الکرار

وابصدر المعارک منهو لیه یجبل

اذا انته الورد عباس هوه القیم

یمطرک شهامه او غیره ماتذبِل

آنه اطلبت منه او ماخذ آنه اجواب

ميأخر  علیه   هوه  ويأجّل

یعطیک التریده مایگلک لیش

اتفضل حبیبی طلبتک واحمل

ابو چف العطا باب الحوائج های

ابد  ماردله  سائل  أله   لِه  یبذل

چف عباس من  الکرم  یبذل

او  للایتام صایر  ستر  یبذل

خصمه من شهامه البي یبذل

دنگ هام من شاف الحمیه

*********

الشاعر حاتم خلیل العبادی

موال ازهیری{مهدیلِه}حاتم خلیل العبادی

موال ازهیري

للامام المنتظر عج

،،،،،،،،،،،،،،،

امصبر البشر والگلب  بس لو ظهر 

مهديلِه

او من الله لجل الحسن ربي ابکرم 

مهدیلِه

هوه  الّي  یهدي  العدل  هوه الذي 

مهديلِه

هذه اهوه آخر وصي وعله الخلگ 

حجته

والماقبل   بالحشر   باچر    شنو 

حجته

ذاک   الرفض   حیدرا   ما  تنقبل 

حجته

لن رافض المرتضی او رافض بعد 

مهدیلِه

*********

الشاعر حاتم خلیل العبادی