موال ازهیری غزل
******
ناقوص هجرک عليّ یطرق یولفي یرن
واعیونی ماظن بعد کثر البواچي یرن
کتن جفوني الدمع دم من بعدهن یرن
واهداب جفني الدمه منه اصبحن حمراء
او دلالي فوگ الإلم زاد ابنحب حمراء
موالي الغیري تحط اعله الشفه حمراء
وامصادقا یاولف وانته اصبحتله یرن
********
الشاعر حاتم حلیل العبادی
الدهر بس النوایب یخی حولای
نحیل او محد امن اعضای حولای
رچیچ امن المصایب صبح حولای
او صرت حته الذبابه اتعیل بیه
********
الشاعر حاتم خلیل العبادی
عليّ متکود ابکل کتر هم هم
صرت مجنون منی العگل هم هم
هذه الظیم یالإتشوف هم هم
جابولي احبابي ابُعد لیه
*******
الشاعر حاتم خلیل العبادی
لم الشمل ماینفعک بالزور
ابتواصل والتعنی اترید بالزور
المرأ عاقل ابد میعیش بالزور
تایه کل نعامه ابلا وعیه
یجل السامع والقاری
*******
الشاعر حاتم خلیل العبادی
في حق فاطمة الزهراء س
*******
سمعت امی اصرخت یازینب الباب
الطاغي او من عصر یازینب الباب
انکسر ظلعی اوسقط یازینب الباب
زینت فاطمه الحره الابیه
********
الشاعر حاتم خلیل العبادی
الدمع ینزل من اجفونی بکبدای
او یگطّع الم فقدانک بکبدای
گلت عود الفرح یرجع بکبدای
لچن ماظن یعود الراح لیه
*******
الشاعر حاتم خلیل العبادی
فاطمه العلیله ع
*****
سره گوطر ظعن اهلی ترابعاد
علیه او عینی للملگا ترابعاد
علیله او مسکن احضانی ترابعاد
صفت لوساده من غصبن علیه
*******
الشاعر حاتم خلیل العبادی
وحق من تول وجه اتشوف وجها
وحق من الي عند الله وجها
صدیقک لو زلف بالطیب وجها
او دلیه اعله درب البی حمیه
*******
الشاعر حاتم خلیل العبادی
